ԴՈւ ՈՐՊԵՍ ԹԵԿՆԱԾՈւ. ինչպե՞ս ինքնադրսևորվել հարցազրույցի ժամանակ

Լոֆթ HR ակումբն այս անգամ անդրադարձավ հետևյալ հարցերին՝

· Հարցազրույցների ընթացքում ճիշտ ինքնաներկայացում

· Մասնագիտական և ոչ մասնագիտական որակների գրագետ ներկայացում

· Հարցազրուցավարի մոտ տպավորվելու և հիշվելու հմտության յուրացում

Մասնակիցները սովորեցին, թե որոնք են թեկնածուների գրագետ վարքագծի դրսևորման սկզբունքներն ինչպես հեռախոսային, այնպես էլ face-to-face հարցազրույցների ժամանակ: Հանդիպման վերջում նախատեսված էր պրակտիկ աշխատանք՝ հարց – պատասխանների քննարկման տարբերակով:

Հանդիպման վերջում մասնակիցները հնարավորություն ստացան Լոֆթ HR ակումբի պատասխանատուներին ուղարկել իրենց CV-ները՝ հետագա պրոֆեսիոնալ վերանայման համար:

Հաջորդ հանդիպում (ները)

21/12-ին՝ երկուշաբթի, Լոֆթ Բիզնես ակումբի հետ համատեղ հետաքրքիր զրույց-հանդիպում ենք նախատեսում ԱՅԲ դպրոցի տնօրեն Արամ Փախչանյանի հետ: Մանրամասներն ավելի ուշ կտեսնեք Լոֆթի ֆեյսբուքյան էջում:

Հետագայում կրկին կանդրառնանք մասնագիտական թեմաներին՝ ամենայն հավանականությամբ «Անձնակազմի մոտիվացիա»:

Մասնակիցներից մի քանիսը «Դու՝ որպես թեկնածու. Ինչպես ինքնադրսևորվել հարցազրույցի ժամանակ» հանդիպման մասին.

«Ստացահամակարգված գիտելիքներ թեկնածուի վարքի և ընդհանուր դիրքի մասին»,- Բաբաջանյան Լուսինե:

«Հանդիպումը հնարավորություն էր կենտրոնացնելու ուշադրությունը կարևոր հարցերի վրա, որոնք բոլորին են հուզում, սակայն որոնց մասին միշտ չէ, որ կարող ես լսել կվալիֆիկացված կարծիք: P.S. Ապրեք դուք, շնորհակալությո՛ւն»,- Կ. Բարսեղյան: